10/11
已經養到個人好懶了，而且，心灰意冷。
暫時只想膚淺過活。
決定無限期休業，直至你見到我再寫野為止。
再會。 02/08
乜料今晚飲左傻鬼左~~
而家完全係轉緊圈....
唔打啦...聚瞧唔到...
痴線架....
23/07
龜氣纏身。 星期6 龜完 今晚再龜。
她回老家了，我又想她了。 什麼時候才回來呢?!
啊，剛剛想起，祝 Huiri 返美國一路順風。
同學仔，你要整靚d 你個xanga 呀!! 仲要定時就update 下佢呀，知無?!!
我祝你好運。
可以快d擺脫左 你的PINKPINK帶給你的陰霾，走向新生。
22/07
一個和華仁仔打麻雀的下午...
很快樂，很有回到中學時期不會長大的我們的感覺。
還有那個電視節目在播放著令人尖叫的奧穌利雲...
只要你一看，就會愛上桌球，就會愛上奧穌利雲。
奧穌利雲既腦海裡面充滿住147度既智慧!!!
「都無問題」!!! 「都唔妨礙」
今天很hyper，就連打機的時候，我和fox 仔都打到上哂身!!! what a day!!
「唔同人講早抖就訓覺」
「你快d問我多次摸邊到啦」
「日日舉啞零，勁過郭富城」
18/07
愉快的兩個傍晚過去左...
剛剛老表給我看從網上看到的 -->
『董驃的人生篇』
「急事，要慢慢講。
大事，要清楚的講。
小事，可幽默的講。
無把握的事，要謹慎地講。
無發生的事，不要亂講。
做不到的事，別隨便講。
傷害人的事，不能講。
討厭的事，小心地講。
開心的事，睇場合講。
傷心的事，不要見人就講。
別人的事，最好唔講。
自己的事，聽聽自己的心怎樣講。
現在的事，做了再講。
未來的事，未來再講。 如果對我有不滿意的地方，請一定要對我講。
樂不可極，樂極生悲。
不勞而獲無道理，勞而不獲無天理。
交一友要千言萬語，失一友只三言兩語。
富貴如浮雲，得失不須記。」
15/07
快樂的周末...
歡樂既時候過得特別快...咁就兩日了...
天氣好熱... 不過同update唔update 無直接關係...只不過....係我懶~~熱到唔想打咁多隻字。
今日去釣魚，魚況就真係麻麻架啦，無咩咬口。之但係能夠同一班朋友仔一齊出去，吹下水，吹下海風，同埋對住個海大大聲咁唱歌，真係人生一大樂事。 唔怪得我朋友仔會話，佢一生人之中最失敗既地方，就係愛上左個咁正既大海，等佢以後都唔可以再成日都腳踏實地咁做人。 好認同!! 相就未有架啦，希望有機會 再post返上黎啦。 =p
好熱...唔打字啦...去涼冷氣好過。順便可以比有d人多d時間讀書溫習丫嘛。 =p
09/07
同班死仔出左去食飯而家先返...真係呢..每次同佢地出去果陣我都要笑到死左。
呢班咁既組合真係無得頂。
死仔陳瑋麟真係呢...
佢今日有一句野真係噴飯架。「一夫一妻制唔係源於男女對對方專一既承諾，而係建基於...」
仲有埋高高，李積、 救命...
嘩..成晚真係笑到肚痛。
始終，呢班衰仔先真係可以豬講狗講無責任無痛苦。
08/07
一個又熱又悶人的周末。
淨係比個太陽曬多兩曬就已經夠人累了。
很累的一個周末。 原定的節目又忽然通通的都取消了。讓人期待的每一個周末，這個星期，變得並不太有趣。
只不過，最近的生活，使我生色不少。
之前給自己三個月的時間又就黎到了，現在的情況，我還是待多一會吧。
希望遲下會有轉機啦。
ps.啊，努力溫書喎你要，唔好成日掛住...=p (對上一次是兩小時前)
06/07
昨晚我看到了你，心裡暗地一震。我有點相信你其實可能也許亦都看到了我；這不打緊。也許就如你所說般的那個我自己已對號入座。過去左...對我..來說，遺憾就像是在不斷的提醒我，以後不要再做如對號入座般的那個人。人長大了，希望待人處事方面都能有所提升。
今日照左一陣肺，無穿無爛。我仲提出左一個現象，我唔係一隻聰明既牛。我唔會又係魚又係熊掌。唔該，二選一啦。
04/07
最近我好快樂。每晚都睡得好好。
28/06
補番上星期在Nikki 屋企玩既相片。 Thanks Niki & Huiri 提供相片。 
Gigi & YY
Huiri, Gigi & Nikki 
yay...everybody is having fun~~ 27/06
看罷 Ocean's 13@ 數碼港。
第一次去，果然係無咩人喎。
開始發覺，活在gag 既生活當中，有時，真係幾無壓力架。
今日朋友仔佢地講笑開咁話就算我肯入行，都未必有人請我。
我反省完，除左整容，唯一另外可行既地方就係每日舉鐵練大隻!! 哈哈哈哈~
24/06
尋日同爸爸慶祝生日，打麻雀當然又係我輸得最慘重啦。哈哈
今日去左西貢游水加釣魚，唔駛講梗係又燶左啦。
計埋上個星期，梗係燶上加燶啦。
返到屋企，而家打住 xanga 地 進行「換膚」。
真難想像成個暑假之後既我會係點既樣~~
下星期又出西貢啦哈哈哈。
19/06
出左西貢果洲群島一天，燶了。
現在的我是紅卜卜的。(@_@)""
最搞鬼既又係，每次出完海我硬係好似有d傷風咁既-.-
返到屋企唔駛一秒立即訓到成條死屍咁既樣。
比太陽，係猛烈既太陽咁樣曬左一天，真係熟左。
但係總括而言，好爽呀!!
如果有「妳」係身邊既話，真係人生幸福既一大事!!
14/06
成為魚釣人。
同寶尹向西行...到達銅鑼灣。
同puid食飯，但無同佢傾過偈。 10/06
落足一星期雨、一星期雷暴足足7日，真係人都癲。
本來想入去長洲釣下魚行下又唔得，想上去上面又無興致，波又無得踢，咁既生活真係呆呆。
比人話我游游地，話可能我未到個年紀會令到自己要自己唔好再游。 係掛... 我認呀，不過諗真少少..男仔咁樣...其實...應該唔係太好吧?!
朋友仔拍拖了，好事好事。 朋友仔的舊同學問我，我話，有人唔彩我，我都無辦法。
我發覺我們之間是否只能夠隔空來了解對方? 我真係好想拆去那道你與我之間的牆，究竟點樣先可以達成願望呢?
唔知，我仲有無咁既機會呢? 仲有呀，我終於知道我想搵果首兒歌叫咩名呀。
係袁鳳瑛 的「阿花的故事」
係一首會令人哀傷的兒歌呀。
咁多年我都仲係好記得呢首歌，唔知點解呢?!
阿花的故事 曲:鄧雨賢 詞:林夕 編:徐日勤 唱:袁鳳瑛
 | 名字叫阿花搖著尾巴
牠只喝牛奶 哪日跟我在喝茶
陪我讀書偷懶從來無責罵
夜晚阿花專愛樑上爬
然後我變得強又高
花貓卻沒有變胖只有換了毛
元旦母親祝我年年進步
但永沒對阿花講句長壽不老
從末忘記那天淋著雨水
當天我獨個上學只有六七歲
而我終於知道為何流眼淚
在那日阿花消失世間裡 |
26/05/2007
都好耐無掂過呢度啦...
報告一下近況囉...
就係 無運行囉....不過已經比我老表佢好好多了...哈哈~~佢直頭要用「灰」字黎形容。
同埋...最近轉投左亞視既懷抱...8點半有范冰冰，9點半就有阿嬌同埋朱欣。好..
不過我覺得最開心既都係離唔開每日都諗住阿配d~
13/05/2007
今晚係上環食完母親節飯之後係個巴士站度等緊車既時候，比我見到了你。
有兩三年無「見」吧... 點解咁講呢? 因為今次都只不過是我看見了你。雖然你我是擦身而過，但我並沒有勇氣去跟你打招呼。
等你走過了我後我才敢在你的背後默默的看你。
想起往時...
畢竟，這有點可惜。 3/05/2007
有了新目標。這個目標之前偶然也曾經浮現過出來，但到了今個星期我才比較肯定我呢個毛文想要追尋既目標應該就係目前我這個新目標了。
七千萬...過眼雲煙吧了。唔會真係諗住會中先去買吧\/?!
4/28/2007
北上去。除了需要按摩，也因為老表也要上來出show。拍左條片，不過太大放唔到上u-tube啦。
好搞笑，佢個朋友仔用受幅射影響黎形容港女，真係好得。
今晚過得好開心，難忘。 而我，也為國捐軀了。
真係太多勞損，我就黎無命架啦。真係慘...咁後生就已經咁樣同身骨痛，幾時先挨到老?!
4/23/2007
尋日去左西貢打仗...阿paul 黃貫中原來都係度喎...
haha 第一場...我殺了兩個...最後都戰死了但已經係尾3果個死..唔錯喎
第二場勁灰囉... 同 阿仁..經過攀山涉水...兜到去 敵人既基地後面準備偷襲既時候...
果條村個村長就黎收佗地趕人...
難為我用阿仁佢地用左差唔多成個鐘頭係個榭林裡面又爬又躲..又要過河...最後搞掂哂之後就比人吹雞趕走...唯有當左去爬山做運動吧....
今日仲搞到我成身散哂添/.....
玩完之後去左阿仁屋企chill...成個月無見 阿Gudi...條衰狗除左大隻左之外...仲寸咀左添喎..死仔...
下次再咁寸就餵你飲哂成支啤酒...
回家途中...個腦係咁轉係咁轉...
係 cwb 個 mtr 站...比我見到迎面而來又擦身而過的你...
我諗你唔會察覺到我...因為當時我無載眼鏡...
還好...... 4/17/2007
否極泰來、咩都衰唔哂... 有時真係唔到你唔信既仲...
估唔到呢個世界仲會有人間有情呢樣野架...
話說小弟行完街剪完頭髮係間鋪度行出黎..諗住行完車站搭車返屋企既途中，竟然突然之間爆大雨...小弟唯有走入去7仔...本來諗住買把遮行就算...但見到咁死大雨...有遮等如無遮..所以決定朋1d錢不如黎買 便利睇...買完就係7仔入面睇...睇睇下見雨細d就諗住行去車站啦...行左一大輪..身都濕左唔少既時候...就三當我望到個車站既時候..同時我亦見到我要搭既小巴就係前面駛過...嘩...呢個時間走一班..差唔多要等成10-20分鐘家嘛~~!!算啦...行到果度...無理由搭巴士架...事關巴事落車之後要行...咁咪等小巴囉...15分鍾..反正有便利丫嘛...
點知呢..等到下一班黎....滿座....咁梗係唔忿氣....死都唔搭巴士要再等...好啦..等、等、等啦喎...
咁好啦...15分鐘後...小巴終於到啦...點知....又滿..@@!! 即時廢到火屎都黎埋.... 大佬...我8點幾係間鋪行出黎...9點9 我仲係條街度等緊車!!! 最後我放棄等小巴...死死地去搭果d 我一早可以上既巴士!!
點知原來呢個決定係無錯既...仲可以令我今晚既心情好返哂....喎....
究竟係點呢...
就係好喇..終於落巴士啦...一落巴士見好似停左雨咁喎...(超細毛毛雨唔計佢啦..)..咁就慢慢行囉...點知...話口未完...紅綠燈位都未行到姐...就又突然之間又大雨啦....唉...我見我反正都濕...哂啦...跑都憧返...反而一路慢慢行一路嘆住氣咁話：「又落雨啦唉。」 .... 就係呢個時候...有個女仔落左巴士慢慢咁行緊過黎紅綠燈...然後企左係我隔離...(事關我企得近路口丫嘛)...佢手上面梗係撐住把遮啦...然後...就係呢個時候佢把遮係空中慢慢有一半去到我頭頂上面喎 ...當堂十萬個感動呀~~(事後我個fd話...如果果個係阿毛 我睇係感動條毛!!)跟住個紅綠燈終於都要由紅變做綠啦..點唔捨得郁都要行架..然後佢半遮我咁過左半條馬路...又要再等燈...我無諗住要佢再遮於是我就想行啦喎...跟住佢問我..駛唔駛遮埋我...咁我梗係笑住咁答佢..唔該哂你..麻煩哂呀... 我諗住行啦...點知...有車要駛過/.//佢仲一手拉住我...咁咪同佢一齊等埋果半條馬路既燈囉...然後一齊行果條超級展既樓梯...搞笑既係...行左一大半佢先問我係咪要落呢條樓梯去大街....搞笑...點唔捨得都差唔多要行到落大街啦..然後我就問佢會轉右, 左. 定係直去...佢答我左...咁我係直去...就同佢講唔該哂 、拜拜之類既野然後就走啦...點知原佢佢都係過馬路既...咁佢見我行係前面 就問我...乜我唔係走左咩...我話.. 我係直去丫嘛..反而你係轉左..點解會過馬路...跟住佢就話..係呀...咁直去之前要轉左坐之過到馬路丫嘛/...咁樣...
點都好啦..咁咪仲好...又遮我多一陣...不過果陣我都望唔到個天落緊既雨又幾大囉..淨係望住佢既笑容哈哈哈...咁其實直去得既..住既都一定係悅海華庭架啦...咁我就咁話....佢又梗係住果度...啦...咁我咪開埋我比佢入去囉...個世界真係幾細...不過最後...佢係 2座既..我係 3座既....我地最後都要分手了哈哈哈。 係度我真係好想多謝佢呀，雖然佢唔會知我係度寫既野唔知我幾咁感動...咁我終於仍然睇會到一d社會日常生活中一些微細既人間有情呀!! (查實第日比我見返佢都唔會認得佢架啦...但佢今晚既笑容...我就永遠都唔會忘記)
今日雖然黑仔...但係.就係因為人間有情...我覺得今日係成個月入面最好既果一兩日呀!! 抵我唔食飯就打個entry去感激呢一段「微不足道」既事情。 4/12/2007
我清楚知道，我將會有新的開始。
目標暫時亦都無再咁模糊。
期待...
4/2/2007
頭先睇電視喎...入面阿家燕姐講話舊時男仔追女仔 只要送一支花, 個女仔都會好開心；
而而家既女仔呢，就算個男仔送成束花，都未必會彩佢喎。
我唔係想話咩d女仔現實， 咁既現象只係因為而家既女仔叻左，經濟更加獨立。
係阿家燕姐之後問左一個問題我先想去思考:
咁究竟係以前既女仔幸福o丫，定係而家既女仔幸福呢?!
我真係唔知~ 3/25/2007
-我諗...今晚...有d醉醉地...
-但係...咁樣唔好咩?
反正, 你也沒有在乎我...你知道我一直在等你嗎?!
已經幾個月了，你知道嗎?!
從我回來的一刻我就已經在期待著你了，
可是到現在為止我還總是失望而回。
我只希望，你會知道，
我還是一直在等待你的!!
-無啦啦頭先係架巴士度, 係咁諗起呢首歌:
Mandy: 我早已察覺不妥 我愈耐愈是冷寞 話題漸缺少敷衍多
今晚夜半 手機聲響 疑惑你在背後愛多個
Don: 我早晚也要工作 努力為日後收獲 未明白我只會猜度 一個二個 手機摔破
其實我亦已為你忍得太多
Mandy: 明白你異性密友該不錯
Don: 是你反反覆覆喜歡吵作
合: 難道你想告別 我在臨別 要將你面也撕破
Don: 一早都知道風再加上火 堆積的不滿默言為不和
Mandy: 誰亦算得清楚 從前那些錯 但那一位可記得將功補過
Don: 不必一起煽風再點上火 將一股狠勁擁吻也不錯
Mandy: 原諒較爭執多 是相戀的一課
合: 但你清清楚楚還記住 誰是最錯
Mandy: 對於我愛理不理 你倦極或是厭味
但奇在我可忍得起 這半月你蹤跡詭秘
難道暗地與別個一起
Don: 你一切也要追疚 我自問盡量遷就
亦從未有講過分手 找到伴侶 也有自由
奇在跌入困局也不肯放手
Mandy: 明白你異性密友該不錯
Don: 是你反反覆覆喜歡吵作
合: 難道你想告別 我在臨別 要將你面也撕破
Don: 一早都知道風再加上火 堆積的不滿默言為不和
Mandy: 誰亦算得清楚 從前那些錯 但那一位可記得將功補過
Don: 不必一起煽風再點上火 將一股狠勁擁吻也不錯
Mandy: 原諒較爭執多 是相戀的一課
合: 別要反反覆覆來記恨 忘掉以往
Mandy: 對於我愛理不理 你倦極或是厭味
但奇在我可忍得起 這半月你蹤跡詭秘
難道暗地與別個一起
Don: 你一切也要追疚 我自問盡量遷就
亦從未有講過分手 不要內鬥 醫好傷口
合: 其實你共我亦有一點 悔疚
諗返起, 果陣時, 又真係好「得頭火勢」既... 3/21/2007
-四日...
-好耐都無寫...應該係話好耐都無心機去寫...
亦唔係好多想去寫...
我諗字與句應該會愈來愈少了...
-還有...他的粉紅人...就快要結婚了，可惜新郎不是他。 世事就總是這麼的事與願遺...無能為力...
你無奈嗎?! 沒緊要，有我陪你一起無奈...只因你我都有粉紅人... 剛剛upload上 youtube 的, 看完有沒有覺得我們那邦人是食大茶飯的?!哈哈哈
http://www.youtube.com/watch?v=VRutDb1dDss 3/17/2007
-最近個世界有點灰...
-總覺得你是在逃避我... 我是明白的。 03/04/2007
元宵節，梗係祝人人都快樂啦。尤其係你，我每年更加會祝你生日快樂添。 =p
只許成功，不許失敗?!
今次隻兔仔比上次果隻個樣更加無辜咁望住我。
02/26/2007
好耐無寫啦喎...新年春節假期剛過...總算提起一點勁兒去寫。
今年豬年，出生於豬年的我自然犯太歲。 還好今早收到阿仁表哥的電話說已幫我拜了太歲。
出生於豬年的你們，信的話就要記住去壓太歲啦。
還在等，究竟什麼時候才能夠給我等到你?!
初七那天，去了元朗一趟。為的是什麼呢? 就是去中彈。哈哈，很刺激、卻又很痛。最可惜的是我沒有機會把當時的情況給拍下來，哈哈。不過要是你最近這幾天能見到我的話，還能看到「戰火無情」的證據-- 因為我身上和面上還有著中彈的痕跡呢!! 下一次，誰要是有興趣的話，就給我一起去中彈吧!!哈哈哈
好了，又要去繼續我的「作文旅程」了。有空再update。
我相信會是明天，因為明天將會是我最好的一位朋友的生日。
還有 想睇gudi 片段..可到youtube 去睇。 Gudi -->
http://www.youtube.com/watch?v=8OiB70XEAwk
http://www.youtube.com/watch?v=81gAeqOfqgE JL send 左條link過黎 好鬼搞笑...
http://daimones.blogspot.com/ 01/30
今日去左 IFC。應該係我咁耐以來第3次去果度。 個戲院又真係幾好坐喎...只不過係我買到既飛ok 前...所以睇到個頭梗左...對眼硬左... 不過講番套戲....真係幾好睇架... 唔睇落都唔知...原來呢套【香水】都ok 黑色恐怖。 但有時又幾搞笑....唔錯...整體感覺可以。
睇完之後...都已經9點半啦... 行行下咁又比我見到係果度返工既CoCo喎....
不過呢兩日最令我開心既，係見到我兩個好朋友經過兜兜轉轉之後，終於走在一起了。
起碼，係1/28之後有少少值得我開心既野去沖淡一下近期沉重既氣氛... 始終...瑋倫走了...唉...
我們永遠懷念妳。願妳在主的懷抱內安息。
2007/01/19
生日快樂。
懷著戰戰兢兢的心情去寫呢一個新entry。
在過了一年之後再去開一個新entry來寫，原因有三。
第一，當然是因為在美國的留學生涯已經完結，返左黎，新開始，entry 都應該係新開始。
第二，2007年，就乾脆給它給自己一個新開始吧。
第三，妳生日了，我想讓感覺較update。因為望一望上一個entry的written date 已經很舊了，並不配合妳的生日日期。
在美國的生活，總叫完結了，但有些人和事，有些感覺，還是遺留了下來。遲些有機會再補返寫吧。
今日想講既，淨係想對住妳講一聲生日快樂。
我選擇寫在這兒而不去留言or sms，就是因為我不想去打擾你的生活。能讓我在遠處給你一個祝福我就心滿意足了。 寫之前甚至寫的這個時候我也是懷著戰戰兢兢的心情，不過我覺得，過去的，追不回來也算吧，遺憾，是有的，也許真的永遠也補救不了，不過也算吧，我想的，都不是要去要求什麼，我只想你活得好，過得開心快樂。
什麼也不用想，明天醒來時一定會是一個好天氣，也就當是上天送給妳的生日禮物。
好好的睡一覺，然後明天又會是一個希望。
| 
4Ó¦r -- «e¸ô¯í¯í¡C
